આપણા હાથમાં

જોવું ના હોય તો પણ જોવું પડે
રુચે ના રુચે તેવું જોવું પડે
સુણવું ના હોય તોપણ સુણવું પડે
રુચે ના રુચે તેવું સુણવું પડે.

જવું ના હોય તોપણ જવું પડે
રુચે ના રુચે ત્યાં જવું પડે.
રહેવું ના હોય તો પણ રહેવું પડે
રુચે ના રુચે ત્યાં રહેવું પડે.

મળવું ના હોય તો પણ મળવું પડે
રુચે ના રુચે તો પણ મળવું પડે.
વદવું ના હોય તો પણ વદવું પડે
રુચે ના રુચે એવું વદવું પડે.
અડવું ના હોય તો પણ અડવું પડે.
રુચે ના રુચે એવાને અડવું પડે.

કિન્તુ એની અસર
થવા દેવી ના થવા દેવી
ક્યારે કેટલી થવા દેવી
એ આપણા હાથમાં છે.

–© શ્રી યોગેશ્વરજી (‘દર્પણ’)