સંગીતસમારોહના સાજમાંથી છૂટો પડેલો સ્વર
શોધે છે
સંગીતસમારોહના સ્વકીય સાજને.
સૂર્યમંડળમાંથી સરી પડેલું કિરણ
શોધે છે
શોધી રહ્યું છે
એના સૂરજને.
સિંધુમાંથી અલગ થયેલું બિંદુ
મેઘમંડળમાંથી વરસેલું મેઘબિંદુ
શોધ કરે છે
સિંધુની
પોતાના જ મેઘબિંદુની.
ધરતીની રસાળ રજમાંથી
વિખૂટો પડેલો કણ
શોધી રહ્યો છે
ધરતીની રજને,
કહો કે વિશાળ ધીરગંભીર ધરતીને.
પંખી માળાને
નિર્ઝર જળની ધારાને.
–© શ્રી યોગેશ્વરજી (‘દર્પણ’)