હાં રે ક્યાંથી આવ્યાં ને ક્યાં જાશો, અણસલાં ?
ગગને છે ઘર ને, જગમાં ઉતરીયાં ?
વરસાદના દિન ભાવ્યા, અણસલાં ? ... હાં રે ક્યાંથી.
હાં રે શાને આવ્યાં રે હેઠે, અણસલાં ?
ધરતીને ભેટવા ? ઘડીવાર લેટવા ?
દુનિયા નવીનવી જોવા, અણસલાં ? ... હાં રે ક્યાંથી.
હાં રે કેવાં અંગો લઈ આવ્યા, અણસલાં ?
નાજુક કેવાં ? છૂંદાય એવાં;
લાખો લોકો જાય છૂંદી, અણસલાં ? ... હાં રે ક્યાંથી.
હાં રે જાતાં ગગન શે પાછાં, અણસલાં ?
જ્યોતે સમાતાં, પ્રેમી પ્રભુની ?
શીખવજો જ્યોતે સમાતાં, અણસલાં ? ... હાં રે ક્યાંથી.
- શ્રી યોગેશ્વરજી