MP3 Audio
*
ૐ જય જય જગત-નિવાસ કરી !
મા ભક્તોની કલ્યાણ કરી ! ... ૐ જય જય.
જડ ને ચેતનમાં વિહરી રહી,
વસુધાની વેદે માત કહી,
રહી અણુ પરમાણુ મહીં વિહરી ... ૐ જય જય.
મા કરુણા માધુરી પ્રીત ભરી,
સુંદરતાની છે છબી ખરી;
છે સુધામયી ને નમ્ર નરી ... ૐ જય જય.
આનંદનિકેતન શાંતિભરી,
સુખને બેઠી છે કેદ કરી;
જે વરે તેમને જાય વરી ... ૐ જય જય.
જે શરણ લઇ લે છે એનું,
અનુસંધાન કરી લે તેનું;
કિસ્મત તેનું તો જાય ફરી ... ૐ જય જય.
ચરણોમાં ગુંજન રોજ કરી,
સંસાર સહેજે જાય તરી,
માતા, લો બંધન બધાં હરી ... ૐ જય જય.
- શ્રી યોગેશ્વરજી
Comments